пятница, 7 марта 2014 г.
суббота, 1 марта 2014 г.
მარტი მოდის.
გაზაფხულდა.....ჩიტუნებმა
გააცოცხლეს მთა და ბარი,
საქართველოს დასადარი
სხვა ქვეყანა კიდევ არი?
მარტი მოდის ჭრელი კაბით
მორთული და მოკაზმული,
იებით და ენძელებით
გადაჭრელდა ტყე და ველი.
გამოცოცხლდა არემარე
ზამთრის სუსხით მინაბული
ამობრწყინდა მარტის მთვარე
და ამღერდა კვლავ ბულბული.
გაიღვიძა ისევ სულმა,
გახალისდა და გამხნევდა.
მარტის მოსვლა იგრძნო გულმა,
პულსი ისევ ამიჩქარდა.
ვუმზერ ლამაზ ყვავილებით
აჭრელებულ მინდორ–ველებს
და მინდა ამ სილამაზით
სული მუდამ ხალისობდეს.
1982 წლის 5 მარტი.
пятница, 28 февраля 2014 г.
გაზაფხულდა!
ჭიანჭველების ზეიმი!
გაზაფხულს ჩიტები
ჭიკჭიკით ხვდებიან,
რაღაცას მღერიან
ჩურჩულით იები.
სიცოცხლე იღვიძებს,
ზეიმობს ყოველი,
მზის სხივებს შეჰყურებს
მღვიძარი ცხოველი.
მზის სხივი ჩააღწევს
მიწისქვეშ ქვესკნელში,
პატარა ქალაქში
სიცოცხლე იღვიძებს.
ლაგდება ლაშქარი,
იწყება მზადება,
მიწისქვეშ ატყდება
ქაოსი და ქარი.
დგებიან მწყობრში და
მაღლა ამოდიან,
გაზაფხულს ხვდებიან
პატარა მწერები.
1986.10. IV
Подписаться на:
Сообщения (Atom)